Stafræn ráðstefnulausn
Velkomin er stafræn lausn til að halda glæsilega viðburði, ráðstefnur og kynningar á netinu. Lausnin leysir allt sem snýr að viðburðahaldi og er skalanleg eftir stærð viðburða. Velkomin skapar sterka sjónræna upplifun fyrir áhorfandann og býður uppá margskonar gagnvirkni.
Svona eiga stafrænir viðburðir að vera
Viðburðalausnin Velkomin var hönnuð af sérfræðingum Advania á tímum heimsfaraldurs og hefur algjörlega slegið í gegn. Lausnin gerir þér kleift að halda glæsilega viðburði á netinu þar sem áhorfendur geta tekið virkan þátt.
Lausnin er stafrænn heimur eða umgjörð utan um streymi frá stórum jafnt og smáum viðburðum. Hægt er að aðlaga útlit umgjarðarinnar að þínu vörumerki.
Í lausninni má birta streymi frá helstu streymisþjónustum á netinu svo sem YouTube og Vimeo. Einnig má birta streymi frá samskiptatólum á borð við Zoom og Webex með því að streyma fundunum á YouTube eða Vimeo og birta þannig í lausninni
Hægt er að velja þá virkni sem hentar þínum viðburði. Velkomin heldur til dæmis utanum skráningar á viðburði, samskipti við þátttakendur og aðgangsstýringu. Hún býður uppá stafræn kynningarrými, umræðuherbergi, glæsilega dagskrársíðu með möguleika á að skoða upptökur af liðnum erindum (VOD) og möguleika á að skipta dagskrá upp í fleiri línur.
Hvaða pakki hentar þér best?
Pakki A hentar fyrir stakan viðburð, svo sem ráðstefnu eða aðalfund. Hægt er að streyma marga fyrirlestra í einu og birta efni í sérstökum sýningarherbergjum.
Pakki B hentar fyrir reglulegt viðburðahald þar sem upptökur af liðnum viðburðum eru varðveittar og aðgengilegar á sama stað.
Af hverju stafrænt?
Í stafrænum heimi er ótakmarkað sætaframboð og hægt að taka á móti eins mörgum gestum og þú vilt. Stafrænir viðburðir kalla ekki á ferðalög gesta. Það er umhverfisvæn leið sem heldur kolefnisspori í lágmarki.
Með því að halda stafrænan viðburð í lausninni aflar þú mikilvægra tölfræðigagna sem geta nýst í frekara markaðsstarfi.
Hverjir nota Velkomin?
Lausnin hefur verið notuð til að halda stórar og smáar ráðstefnur, kynningar, fyrirlestra, árshátíðir og fyrirtækjaskemmtanir. Hún hefur einnig verið notuð af fyrirtækjum og félagasamtökum til að halda aðalfundi. Þá er stuðst við Valmund, stafrænt kosningakerfi Advania, til að kjósa á meðan fundi stendur.
Velkomin hentar einnig fyrir reglulegt viðburðahald þar sem upptökur af liðnum viðburðum eru varðveittar og aðgengilegar.
Sendu fyrirspurn eða bókaðu fund
.svg)
